سيستام الإنتاج

لماذا هذه الفورماسيون

الفرق بين واحد يبيع و واحد يربح ماشي المنتج — الطريقة.

أغلب اللي يخدمو في الملابس في الجزائر يعيشو نفس الدورة: يلقاو موديل، يديرو إعلان، يدخلو كوموندات، يفرحو… و منين يجي وقت الحساب، الفلوس ما بانوش. ستوك واقف، إعلانات بلا اتجاه، و ورشة تخدم كي ما تحب.

اللي يربحو باستمرار ما عندهمش حظ أحسن منك. عندهم سيستام — طريقة وحدة، نفسها كل مرة، تخلّي أي موديل يمرّ من الفكرة حتى الفلوس في الجيب، و في كل خطوة تعرف واش تدير و علاش.

هذا الكورس هو السيستام هذاك، مصوّر من السوق الجزائري — ماشي مترجم من اليوتيوب.

يقدّمها موسى — البحث على المنتجات و التعامل مع الورشات — و نهلة — الـERP، التسعير و قراءة الأرقام.

سجلّ النتائج

واش دارو الطلبة بعد ما طبّقو

كل سطر هنا هو رسالة وصلتنا. حلّ أي واحد باش تشوف الصورة كيما وصلت — حيّدنا غير الأسماء و الأرقام الشخصية.

ROAS 335,40 حملة بـ 3,74 € → 11 كوموند تكلفة الكوموند 0,34 € · وصلات 4 078 واحد شوف

11كوموند

0,34 €للكوموند

3,74 €مصروف

لقطة من Gestionnaire de publicités — نهار واحد.
ROAS 55,99 30 كوموند بميزانية 18 $ في النهار مصروف 29,46 $ · وصلات 20 423 واحد شوف

30كوموند

0,98 $للكوموند

29,46 $مصروف

نفس الميزانية اللي نحكيو عليها في الموديول 4.
أول موديل «Teste premier produit hmd» — 24 كوموند تكلفة الكوموند 1,41 $ · مصروف 33,91 $ شوف

طالب بعثلنا نتيجة أول تاست ديالو.
9 800 DA «Tfrjt lformation, testit lwl — 22 command» موديل بـ 9 800 DA · cost 0,7 شوف

أول تاست بعد ما كمّل الفورماسيون.
12 800 DA موديل تشريه الورشة بـ 750 → يتباع بـ 12 800 DA «cost 2,8 · catalog mn method insta» شوف

الكتالوڤ مبني بطريقة الإنستغرام تاع الموديول 3.
confirmation «كونفارميت 18» — يحسب الليفري و الشارج قبل ما يقول ربحت حساب الربح الصافي كيما في ملف التسعير شوف

هذا هو الفرق: يحسب، ما يخمّنش.
0,40 € 15 كوموند بـ 6,01 € مصروف حملة ثانية على حساب آخر شوف

ميزانية صغيرة، سيستام واضح.

الجزء اللي يفرّق

تحسب أرباحك بالأرقام، ماشي بالإحساس

أطول درس في الكورس (31:02) مخصّص لحاجة وحدة: كيفاش تقرا نتائج التاست. علاش؟ لأن هنا وين يخسرو الناس فلوسهم — يقتلو موديل رابح، و يزيدو ميزانية لموديل خاسر.

تسعير محسوب

ملف Google Sheet جاهز — تدخّل التكاليف، يخرجلك السعر اللي يخلّيك رابح.

سكريبت إعلاني

مجرَّب على الملابس في السوق الجزائري — ماشي نموذج عام.

سيستام ERP

الكوموندات، نسبة التأكيد، و الربح اليومي — في مكان واحد.

«تعيش ابعتلي هاد الشيت — قوة، ربي يبارك»

طالب صوّر السكران تاعو و هو يتفرّج في الدرس. الشيت اللي طلبو هو ملف التسعير، و يجي مع الكورس.

البرنامج

ثلاث مراحل · ثمانية موديولات · 30 درس

الترتيب مقصود: كل مرحلة تبني على اللي قبلها. حلّ أي موديول باش تشوف الدروس.

PHASE 0

الأساس

قبل ما تهدر على «منتج رابح»: العقلية، و الصورة الكاملة لرحلة المنتج.

01
تمهيد1 leçon · 17 min

علاش أغلب الناس تخسر رغم المبيعات، و واش يعني تنظيم حقيقي.
الدروس
1. المقدمة — اسمع قبل ما تبدأ 17:50
02
الخطة أساس أي بيزنس2 leçons · 16 min

تحدّد رقم في فترة زمنية، و هذاك الرقم يقولك: شحال ورشة، شحال موديل، شحال ميزانية.
الدروس
1. BUSINESS PLAN 10:44
2. TARGET 5:37

PHASE 1

ابحث و بني قبل ما تنتج

الهدف ماشي تلقى موديل واحد — الهدف تبني مصدر مستمر للموديلات، و سيستام يمشي عليه.

03
البحث عن المنتجات6 leçons · 58 min

كيفاش تكتسب «النظرة الرابحة»، و كيفاش تخلّي المنصات تخدم عليك بدل ما تخدم فيها.
الدروس
1. أسرار البحث عن المنتجات 10:18
2. النظرة الرابحة صديقي !! تكتسب 11:11
3. أقوى طريقة لجعل إنستغرام يخدم عليك 21:10
4. Wildberries — كنز الملابس اللي ما يخلاصش 5:52
5. تلغرام — أحد جنودك في أسواق عالمية و محلية 5:41
6. العائلة تنتمي لجمهورنا !! فوّض المهمة بذكاء 3:51
04
كل شيء مخطط له9 leçons · 1h27

الموديول الأثقل: بناء السيستام خطوة بخطوة، التسعير بالحساب، و إطلاق أول حملة تاست.
الدروس
1. تبسيط السيستام لتبسيط المهام 7:13
2. أول خطوة نحو العمل الصحيح — بناء السيستام 13:31
3. من البحث إلى نظام متكامل 11:11
4. قبل المنتجات المربحة، اختر العقلية المربحة 11:29
5. اختيار موديلات التاست + سرّ نجاح أي موديل 10:58
6. تعلّم كيفاش تسعّر لتفادي الخسارة 8:21
7. إطلاق أول حملة — تاست موديلات 20:39
8. تغيير الهووك للبحث عن أفضل جمهور 3:13
9. ملف الشيت للتسعير المربح 0:53

PHASE 2

أطلق، اقرا الأرقام، و ابني علاقات

بعد ما تطلق، الطلبات تدخل. هنا تحوّل الأرقام لقرارات — ماشي للإحساس.

05
إطلاق الحملة + قراءة النتائج5 leçons · 1h21

تعرف الموديل الرابح من الخاسر بالأرقام، و تحسب ربحك اليومي بالـERP.
الدروس
1. إطلاق أول حملة — تاست موديلات 20:39partagé M4
2. تغيير الهووك للبحث عن أفضل جمهور 3:13partagé M4
3. مقدمة — تنظيم الخطة و تحليل مرحلة التاست 11:19
4. فهم النظام لتسيير أي بيزنس بأي أداة 15:13
5. السيستام اللي بدونه ما توصلش للحقيقة 31:02
06
الشبكة القوية2 leçons · 9 min

ما تحكيش كمشتري — احكي كشريك محتمل. كيفاش تخلّي الورشة عيون ليك في السوق.
الدروس
1. ما تحكيش كمشتري. احكي معاه كشريك محتمل 7:13
2. علاقة مع الورشة تخلّي الحصري ديما عندك 1:30

PHASE 3

كرّر النجاح

ما بقيناش نلوّجو على منتج ناجح — نلوّجو على طريقة نكرّرو بيها النجاح.

07
من النتائج إلى نمو مستدام3 leçons · 13 min

القرار الصحيح، تحسين الحملة، و تاست الهووك كونطر الخطة.
الدروس
1. مقدمة — اتخاذ القرار الصحيح 5:24
2. تحسين الحملة الإعلانية — optimisation 4:35
3. تاست هووك | كونطر الخطة 3:17
08
ابدأ صغيراً وابنِ كبيراً2 leçons · 17 min

الخطة المجرّبة برأس مال صغير: تختبر السوق قبل ما تغامر بالستوك.
الدروس
1. الخطة المجرّبة لبداية برأس مال صغير 13:14
2. خطة البحث عن الورشات و التفاوض 4:03

آراء الطلبة

ماشي وعود — هذي رسائلهم كيما وصلت

«موسى خويا والله فورماسيون 10/10. تبدلت على واش كنت. دوك لي مودال ولا معنديش مشكل فيه… زدت تاستيت برودوي درتو 6900، درت ابيبري كيما قتلنا. نهار لول كنت داير 12 دولار فنهار، كملهالي على 11:30، زدتلو بيجي رجعتو 18 دولار باش يكملي لعشية. المهم لي كوموند الله يبارك… أول مرة نقتنع بفورماسيون.»

**كانت دورة في قمة — بارك الله فيك**انستغرام

**دورة فالقمة · نيفو عالي · ربي يحفظك موسى ونحلة**انستغرام

**تعيش ابعتلي هاد الشيت · قوة ربي يبارك**واتساب

«Confermation rahi jwayah 75%»

«3 testes… Rah nbdaw production. Déjà modèle 1 rah wajd.»

و باش نكونو صرحاء: ماشي كل موديل ينجح. واحد من الطلبة كتبلنا: «راني حاير الموديل لي نتاستيه ما ينجحش». هذا عادي — و بالضبط علاش كاين موديول كامل على قراءة نتائج التاست: باش تعرف وقتاش تكمّل و وقتاش تحبس، قبل ما تخسر.

دفتر الأصوات

17 رسالة صوتية من الطلبة

بعثوهم بصوتهم بعد ما كمّلو و بداو يطبّقو. حطّيناهم كيما وصلونا — بلا مونتاج و بلا تغيير.

0:10

رسالة صوتية من طالب15 / 06 / 2026

0:19

رسالة صوتية من طالب19 / 06 / 2026

0:12